صلاه الاستخاره

بسم الله الرحمن الرحيم

اكيد كلنا عارفين صلاه الاستخاره و اكيد معظمنا بيصليها اذا كان فى حيره من امر معين

و انا عملت الموضوع ده عشان اقول لكم انكم تسالوا الله فى كل كبيره و صغيره بهذه الصلاه الرائعه

لان صلاه الاستخاره يا جماعه اعظم صوره من صور التوكل على الله لان انت
بكده تكون متوكل على الله و بتاخد راى الله فى كل كبيره و صغيره فى حياتك

يعنى لو انت محتار فى امر ما و بتاخد راى ابيك و امك و اصدقائك اكيد
هيحاولوا يعطوك الراى الصواب لكن ممكن يكون مش الراى ده اللى فيه الخير لك

طب ليه ناخد راى البشر و الله الوكيل موجود و اكيد لو صلينا صلاه الاستخاره ربنا هيوجهنا التوجيه السليم فى الشئ اللى صلينا علشانه

و شئ اخر احب اقوله ان مش لازم اننا لما نصلى الاستخاره نحلم بالشئ اللى
ربنا عاوزه ينفذ بالعكس فى الغالب مش بيكون فيه حلم لكن ربنا بيوجهنما
التوجيه السليم و بعد صلاه الاستخاره الحاجه اللى تحصل هتكون هى الصواب

و اليكم دعاء صلاه الاستخاره

قال رسول الله صلى الله عليه و سلم (( اذا هم احدكم بالامر فليركع ركعتين
من غير الفريضه ثم ليقل (( الله انى استخيرك بعلمك و استقدرك بقدرتك و
اسالك من فضلك العظيم فانك تقدر و لا اقدر و تعلم و لا اعلم و انت علام
الغيوب اللهم ان كنت تعلم ان هذا الامر ( تذكر حاجتك) خيرا لى فى دينى و
معاشى و عاقبه امرى فاقدره لى و يسره لى ثم بارك لى فيه و ان كنت تعلم ان
هذا الامر شرا لى فى دينى و معاشى و عاقبه امرى فاصرفه عنى و اصرفنى عنه و
اقدر لى الخير حيث كان ثم رضينى به))